Stanpa Fundazioa. Polit jarri, hobeto sentituko zara.

"Look good feel better" programak 25 urte baino gehiago daramatza minbizia duten emakumeei laguntzen. Tratamendu onkologikoaren albo-ondorioen kaltea arintzen eta beren irudia berreskuratzen laguntzen die. Horretarako larruazala zaintzen ikasteko eta nork bere burua makillatzeko tailerrak antolatzen dituzte. 25 urte hauetan, 21.000 boluntario baino gehiagok 1,4 milioi paziente inguru artatu dituzte mundu osoan, ospitaleen eta mediku zein pazienteen elkarteen laguntzarekin. Doako programa da. Ez du medizinarik erabiltzen eta erabat neutroa da, erabilitako marka eta produktuei dagokienez.
 

Programa, Espainian, "Ponte guapa, te sentiras mejor / Polit jarri, hobeto sentituko zara" izenpean antolatu da ospitaletan. Tailerrak antolatu dira emakume talde txikiekin, osasun-arloko profesionalen gidaritzapean (medikuak, erizainak, psiko-onkologoak eta aecc elkarteko boluntarioak), eta edertasunaren alorreko boluntario profesionalek zuzentzen dituzte. Larruazala zaintzeko eta makillajea erabiltzeko 12 funtsezko urrats lantzen dira bertan.

Saioak egiteko, enpresa babesleek emandako produktu sorta bat jasotzen dute pazienteek, erabat doan. Helburua da pazienteen konfiantza indartzea, euren irudia berrezartzen lagunduz. Pauso bat da autoestimua berreskuratzeko eta gaixotasunaren aurkako borroka aurrera eramateko. Hainbat gai lantzen dira: larruazala zaintzea, makillajea (bekainak barne), eguzkitik babestea, ilea eta azkazalak.

Hilero egiten dira online, eta aldez aurretik izena eman behar da honako leku hauetako batean:

- Txagorritxu AUO eguneko ospitalean

- Arabako Aecc elkartearen egoitzan – 945 263 297

- Aecc elkartearen bulegoan, Txagorritxuko Ospitalean: 6. C

Jarraian zurekin harremanetan jarriko gara telefonoz, eguna eta ordua baieztatzeko.

* Tailerrak tratamendu aktiboan dauden emakumeentzat dira bakar-bakarrik (gizonentzat bestelako tailerrak egiten dira, larruazala eta bizarra zaintzeko).