#Ultreia, 7 etapas do Camiño Inglés.
Desde a Asociación Española Contra o Cancro na provincia da Coruña presentamos #Ultreia, 171.119 pasos xunt@s.
#Ultreia é unha actividade na que pacientes de cancro e familiares camiñaremos xuntas e xuntos en 7 etapas do Camiño Inglés para chegar a Santiago de Compostela.
A actividade terá lugar os sábados, dende o 7 de maio ao 18 de xuño, nos que percorreremos as seguintes etapas:
- Sábado 7 de maio | FERROL - NEDA
- Sábado 14 de maio | NEDA - PONTEDEUME
- Sábado 21 de maio | PONTEDEUME - BETANZOS
- Sábado 28 de maio | BETANZOS - ABEGONDO
- Sábado 4 de xuño | ABEGONDO - BRUMA
- Sábado 11 de xuño | BRUMA - ORDES
- Sábado 18 de xuño | SIGÜEIRO - SANTIAGO DE COMPOSTELA
A inscrición inclúe: kit de benvida, tentempié saudable ao final de cada etapa, traslados en autobús, comida e festa fin de camiño. A actividade ten un depósito de 70€, reembolsable participando en tódalas etapas.
Ademais poderá adquirirse a “Mochila do Peregrino” (15€) que inclúe mochila, gorro e poncho (dispoñibles tamén por separado).
Estes e outros produtos solidarios, estarán tamén á venda nas sedes da Asociación en Ferrol, Santiago de Compostela e A Coruña, e ao final da primeira etapa do Camiño.
Traslados en autobús desde Ferrol, Coruña, Santiago de Compostela e Vimianzo.
Apúntate ata o 5 de maio!
Inscricións e máis información nas sedes da Asociación Española Contra o Cancro en:
- Ferrol (R/ Terra, 5),
- Santiago de Compostela (Av. De Barcelona, 29 baixos) e
- A Coruña (R/ Real, 1-1º).
Tamén no teléfono gratuíto 9 0 0 1 0 0 0 3 6
Camiñamos xuntos contra o cancro.