​​​​​​Minbiziaren Aurka Araban elkartearen Zuzendaritza Batzordea berriki izendatu da eta honako hauek osatzen dute: Miren Bilbao, presidentea; Gorka Orive, lehendakariordea; Blanca Palacios, idazkaria; Pablo Jesús Larrabide, diruzaina; eta Mª Ángeles García, Zuriñe Ortiz de Latierro y Patricia García, bokalak.

Batzorde berria “oso eskertuta” agertu da aurreko batzordearen lanagatik, eta azpimarratu nahi izan du “minbizia duten pazienteekiko eta senideekiko konpromisoa, zerbitzuak hobetzen eta handitzen jarraitzeko, eta ikerketa bultzatzeko, egungo biziraupena % 57tik % 70era handitzeko 2030ean”.

Miren Bilbao Arabako Teknologia Parkeko egungo gerentea da. Industria Ingeniaritzan graduatua, 20 urte baino gehiagoko ibilbide profesionala du eta erantzukizuneko lanpostuak betetzen ditu enpresako hainbat arlotan: teknikoa, komertziala, komunikazioa eta gerentzia. Arabako Teknologia Parkeari lotuta dago duela 15 urte baino gehiago, eta esperientzia handia du pertsonen eta taldeen kudeaketan.

Gorka Orive ikertzaile nagusia da, UPV/EHUko farmaziako irakasle titularra eta Geroa Diagnostics bioteknologikoaren sortzailea da. 20 urteko ibilbide profesionalean nazioarteko 350 artikulutik gora argitaratu ditu eta 78ko H indizea du. Stanfordeko zerrendaren arabera, zientzialari onenen artean dago, Top % 2an.

Blanca Palacios, ICADEko Enpresen Zuzenbide eta Administrazioan lizentziaduna eta Eukal Notarioen Elkargoko notarioa da. 2011. urtetetik haren ibilbide profesionala Gasteizen notario gisa jardun du. 2012. urtetik 2016. urtetara Euskal Autonomi Erkidegoko Notarioen Elkargoko Zuzendaritza Batzordeko kidea izan da.

Azken zortzi urteotan, Batzordeko kontseilari izan den Pablo Jesús Larrabidek eginkizun horietan jarraitzen du egungo zuzendaritzan. 35 urteko esperientzia profesionala du Euskadiko Rural Kutxa edo Laboral Kutxa bezalako kreditu-kooperatibetan. Ekonomia eta Enpresa Zientzietan lizentziatua, oso aktibo jarraitzen du boluntariotzako eta garapenerako lankidetzako ongintzako kausetan.

Mª Ángeles García Fidalgo Zientzia Fisikoetan lizentziatua da eta Osasun Fakultatibo Espezialista Ospitaleko Erradiofisikan. 2018. urteaz geroztik, Bioaraba Ikerketa Sanitarioko Institutuko zuzendari zientifikoa da, eta lehentasunezko zenbait ikerketa-arlotan laguntzen du; besteak beste, “Diagnostikoa eta Terapeutika onkologikoa”.

Aldez aurretik minbiziarekin estuki lotuta egon da Arabako ESIko Fisika Medikoko eta Babes Erradiologikoko zerbitzuburu gisa ere jardun du 2012tik 2018ra.

Zuriñe Ortiz de Latierro kazetaritzan lizentziatua da, El Correo-UPV/EHU masterduna. El Correo egunkariko zuzendaria Araban 2018tik, bere ibilbide profesionalaren zati handi bat komunikabide horretan garatu du, hainbat eremu eta ataletan, udal, foru, kultura, ekonomia eta auzitegien gaurkotasunaren berri emanez. 2009an, Vocentoko eskualdeko 12 egunkarietarako V erreportajeen gehigarria bultzatu zuen.

Patricia García Zuzenbide Ekonomikoan lizentziaduna da, Enpresen Administrazioan Graduatua, eta Merkataritza Banaketan eta Hirigintzan espezialitateak ditu.

Hiriko merkataritzari eta Gasteiz On-i lotuta dago bere lan-bizitza. Elkarte horretan aholkularitza teknikoko funtzioak bete zituen 2011n gerente izendatu aurretik. Kargu horretan jarraitzen du gaur egun, eta Gasteizko merkataritzari, ostalaritzari eta zerbitzuei laguntzen die, murgilduta dauden eraldaketa-prozesuan.

Laguntza

Batzorde berriak 2023rako erronka nagusitzat hartu du plaza Arkupedun 1. zenbakian dagoen egoitzaren eremua handitzea, pazienteei eta senideei zerbitzu berriak eskaintzeko, Araban ikerketa  onkologikoa bultzatzeko eta enpresei zuzendutako zerbitzu berriak sortzeko.

Minbiziaren Aurka Araban ikerketa onkologikora diru gehien bideratzen duen erakunde pribatua eta soziala da.

Halaber, elkarteak laguntza eta laguntza psikologikoa eta soziala ematen die pazienteei eta senideei. 2021ean 1.101 paziente eta senide artatu zituen, aurreko urtean baino % 22,4 gehiago. Esku-hartzeak 3.517 izan ziren.

Bizi-ohitura osasungarriak sustatzea da gogoz lantzen ari garen beste arlo bat. Iaz, elkartearen doako tailerrek 2.300 parte-hartzaile izan zituzten (ibilbide osasungarriak, erlaxazioa eta yoga, elikadura, martxa nordikoaren hastapena).

Eta, gainera, urtean zehar herritarrak oro har sentsibilizatzeko kanpainak egin eta ikastetxe eta enpresetan hitzaldiak ematen dira. Elkarteak eskaintzen dituen zerbitzu guztiak doakoak dira.