Minbiziaren Aurkako Elkarteak 2022ko ikerketarako laguntzak eman ditu. Guztira, 24,5 milioi euro inguru eman dira 195 laguntzen bidez. Helburua da minbizia duten pertsonen batez besteko biziraupena % 70era handitzea 2030erako, eta ikerketaren emaitzak pazientearengana eramatea.

Laguntza guztietatik, 200.000 euro bideratuko ditu Minbiziaren Aurka Araba elkarteak María Arechederra doktorearen gibeleko minbizia ikertzeko proiekturako. Proiektu hori Carmen Berasain doktoreak Nafarroako Unibertsitateko CIMAn zuzentzen duen lantaldekoa da.

CIMAren Hepatologia Programan gibeleko gaixotasunak ikertzen dira. Zehazki, proiektu honetan helduen artean ohikoenak diren gibeleko bi tumoreak aztertuko dira —hepatokartzinoma eta kolangiokartzinoma— , heriotza eragileak laugarren tokian.

Ekitaldian parte hartu dute Maria Arechederra eta Carmen Berasain, doktoreek, Naiara Cambas, Minbiziaren Aurkako Elkartearen Fundazio Zientifikoko Dibulgazio Zientifiko zuzendariak; Miren Bilbao Minbiziaren Aurkako Araba elkarteko presidenteak, Gorka Orive presidenteordeak eta Maria Angeles García Fidalgo,, Zuzendaritza Batzordeko kideak.

Miren Bilbao presidenteak azpimarratu du Arechederra doktoreak orain arte egindako “lan handia, gibeleko minbizia goiz detektatzeko funtsezko aurrerapenei dagokienez”. Era berean, animatu du “gibeleko minbizia duten pazienteen bizi-kalitatea hobetzen lagunduko duen lan bikain honekin jarraitzera”. Halaber, gaineratu du “elkartetik ikerketa hau eta beste batzuk bultzatzen jarraituko dela, haien esku baitago biziraupena handitzea”.

Bestalde, Maria Arechederra doktoreak Minbiziaren Aurka Araban elkarteak emandako laguntza eskertu du, eta azaldu du “gibeleko minbizia goiz detektatzeko biopsia likidoaren estrategia berrien inguruko ikerketak diagnostikoa aurreratzea eta pronostikoa hobetzea ahalbidetuko duela”. Gaineratu du estrategia terapeutiko berriak ebaluatu nahi dituztela, “tumore-zeluletarako funtsezkoa den SLU7 proteina ezabatzean oinarrituta”.

Elkartearen ikerketa-laguntzek estaltzen dituzte ikerketa-karrerako eta ikerketaren fase guztiak baita minbizi mota guztiak ere, arreta berezia jarriz estrategikotzat jotzen diren ildoetan pazienteengan duten eraginagatik (erradioterapia, kirurgia onkologikoa edo epidemiologia).

Elkarteak 525 proiektu ditu, eta horietan 1.000 ikertzailek baino gehiagok hartzen dute parte, 92M €-ko funtsekin proiektu propioetan. Araban 351.935 milioi euroko proiektuak lagundu dira.

Elkartearen Ikerketa Laguntzen helburu nagusiak talentu ikertzailea babestea da, haren lan-egonkortasuna bermatzeko eta ikertzaileek talentua bertan garatzeko. Helburua da, halaber, ikerketa klinikoa bultzatzea, profesional medikoak ikerketan inplikatzeko eta, horrela, emaitzak pazienteei hurbiltzeko eta berrikuntzaren aldeko apustua egiten jarraitzeko, laguntza espezifikoekin.